Mix
“Secili ka ëndrrat e veta”/ Eros Grezda konfirmon ndarjen nga Oriola Marashi
Modelja Oriola Marashi dhe futbollisti Eros Grezda ishin në një lidhje dashurie për një kohë të gjatë.
Dyshja tashmë janë të ndarë dhe futbollisti ka thyer heshtjen duke treguar dhe arsyen pse lidhja përfundoi.
Në një intervistë për Panoramën, Grezda është shprehur se është e vërtetë që është ndarë nga Oriola, por që ka shumë respekt për të dhe familjen e saj.
Ai thotë se nëse një ditë do të ketë një rikthim me Oriolën do të jetë vetëm miqësor.
“Po, është folur shumë rreth kësaj çështjeje. Shpresoj që të jetë hera e fundit që unë flas për lidhjen time. Për Oriolën kam shumë respekt dhe gjithashtu për familjen e saj. Po, është e vërtetë që ne jemi ndarë dhe nëse ndonjëherë do të jemi bashkë, kjo do të jetë vetëm si shokë”, thotë Grezda.
I pyetur për shkakun e ndarjes, Eros thotë se “Secili ka ëndrrat dhe punët e veta. Kaq dhe nuk dua të them më asgjë.”
