Mix
Hapi llogari në Instagram vetëm për shkak të vajzave dhe grave afgane, Angelina Jolie thyen rekord
Angelina Jolie është përdoruesja më e re në Instagram dhe arsyeja pse aktorja e Hollywood-it iu bashkua këtij rrjeti social është për vajzat dhe gratë afgane. Deri tani, aktorja numëron 9.6 milionë ndjekës (dhe ka vetëm 4 ditë që e ka hapur profilin e saj).
Ndërsa kujtojmë se vetëm në më pak se tre orë nga hapja e profilit të saj në Instagram, Angelina arriti 2.1 milionë ndjekës.
Ylli i Hollivudit iu bashkua platformës për të ndarë një fotografi të një letre nga një vajzë adoleshente në Afganistan, ku talebanët kohët e fundit morën kontrollin e vendit. Dhe qëllimi i saj është të ndihmojë sa më shumë që zëri i këtyre vajzave dhe grave të dëgjohet në të gjithë botën.
