Prostitucioni në Shqipëri, ja qytetet ku është më i përhapur

Në muajt e fundit policia ka mundur të shkatërrojë disa grupe prostitucioni ku përveç tutorëve, përfshihen edhe taksistët, recepsionistët e madje edhe vetë efektivë të policisë. Në pamjet që bëhen publike duken femra të bukura, para të hedhura në tavolinë, mjedise të ngritura enkas për të ushtruar prostitucionin dhe jo vetëm këto, sepse pas tyre qëndrojnë klientë, biznesmenë dhe VIP-a, që paguajnë shuma relativisht të konsiderueshme për një vajzë.

Në emisionin ?Studio e Hapur? shefi i sektorit kundër trafiqeve në Policinë e Tiranës, Skerdi Kasimati, ka folur për qytetet ku ushtrohet më shumë prostitucion, duke thënë se policia e ka nën kontroll fenomenin.

Që nga 2015 trendi është gati mesatar. Veprimtaria është e përqendruar në qytete të mëdha si Tirana, Durrësi e Vlora. Ka hotele që ofrojnë prostitucion, mund të jenë në qendër por edhe në periferi. Është fenomen që e kemi në kontroll?, tha Kasimati.

Por kjo u kundërshtua nga gazetari Armand Bajrami, i cili u shpreh se rastet sa po vijnë e shtohen dhe se policia kap prostitutat ?low-cost? dhe jo ato të luksit.

Fenomeni është mjaftueshëm i përhapur në Tiranë, nuk më duket nën kontroll nga Policia e Shtetit. Në gjyq bien në rrjetën e policisë prostitutat low cost. Kemi edhe prostituta që paguhen deri në 1 mijë euro në natë, por ato vështirë se kapen?, tha gazetari