Mesazhi i kryeministrit për një aktore porno vë në siklet qeverinë belge

“Hej zemër. E di që je në Belgjikë më 24 nëntor … Fantastike! Si mendon sikur të organizojmë një takim të nesërmen, të hënën më 25?».

Ky mesazh i dërguar nga kryeministri aktual i Belgjikës, Alexander De Croo, 46 ​​vjeç, i martuar, baba i dy fëmijëve, në numrin e pornostares Eveline Dellai, 28 vjeç, ka vënë në siklet një qeveri të tërë.

Dhe mbi të gjitha, rrezikon t’i kushtojë shtrenjtë kryeministrit De Croo, i emëruar në këtë detyrë më 20 tetor 2020. Biseda “e nxehtë” mes politikanit dhe yllit të ri ndërkombëtar të pornografisë daton në periudhën në të cilën De Croo ishte ministër për telekomunikacionin. Ajo u zbulua nga Wouter Verschlden, një gazetar i Newsweek, në librin e botuar në korrik 2021, “Varrmihësit e Belgjikës”, në të cilin ai rrëfen parapaskenat e krizës politike në vend.

Italianja Eveline Dellai është aktore porno. Mesazhet e De Croo i kanë shkuar përmes Whatsapp-it.

Siç raporton Corriere, gjatë një pauze në xhirimet e filmit të saj të ri, ajo ka rrëfyer se i mori mesazhet me rastin e një prej shfaqjeve të saj në Belgjikë. “Më kërkoi të takoheshim. Në atë moment nuk e dija kush ishte dhe si e gjeti numrin tim privat, kështu që pyeta dhe më thanë se ai ishte një politikan i rëndësishëm. Filluam t’i shkruajmë njëri -tjetrit. Ai ishte një fans i imi, donte të më shihte. Edhe mua do të më pëlqente, por për shkak të angazhimeve të tija dhe të miave nuk ia dolëm të takoheshim. Kështu që thjesht biseduam».

Por nëse në Belgjikë, ky rast po shihet si skandal, ajo thotë se për të është diçka krejt e vogël. “Prej tyre ky është bërë një skandal, por për mua është një gjë e vogël. Marr miliona mesazhe, nga shumë burra. Shumë prej tyre janë politikanë dhe të famshëm, për mua është normale».