Edhe pse qindra milionë euro janë hedhur për llogari të mafias së Inceneratorëve, Edi Rama ka kohë për show në Vlorë, duke mbledhur ca plehra që i ka marrë nga Tirana. E ka psikike me mjekun Leli që i ka bërë epikrizën me një team psikoanalistësh italianë dhe e shpërfill me përbuzje.

Shumë psikoanalistë e kanë cilësuar si situacionist. Një njeri që ka nevojë për vëmendje të tepruar. Një sëmundje e Egos. Ai nuk duron dot asnjëri tjetër të duatrokitet. Për këtë arsye prishi Teatrin Kombëtar, Stadiumin Kombëtar dhe dhjetra kinoteatër në Tiranë.

Në mungesë të ninullës së Nënës në fëmijëri ai kënaqet me këngët e Golikut të Tepelenës në burrëri.

Në tetë vite opozitë përfeksionoi strategjinë e tij që e sintetizoi me togfjalëshin: fajin e ka Saliu. Nuk është një togfjalësh pa kuptim siç mendojnë shumë. Është një strategji. Demonizimi dhe shkatërrimi i kundështarit.

Në 8 vite qeverisje, Edi Rama është marrë nga mëngjesi deri në darkë, me Lulzim Bashën. Ai nuk ka qeverisur kurrë. Punët e shtetit kanë ecur për i enerci sepse vjedhja e shtetit nuk mund të bëhet pa kontorno.

Ai lëshon fishën në mëngjes, ku mbi 100 njerëz aktivizohen në media, banda, diplomaci, teatro.

Ai ka udhëzuar Policinë e Shtetit të lëshojë komunikatat e krimit në mëngjes që njerëzit në kafe të merren me krimet, të kenë frikë dhe të dëshirojë që qeveria ti shpëtojë, ti mbrojë.

Ai është skenaristi i skeçeve anti Basha në emisionet e Portokallisë, Kosheres, Al Pazar, madje ka çuar nga varri Leka Bungon që kërkon regjisorë për një variete në TVSH.

Ai helmon opozitën dhe PD me dezinformacion çdo ditë. Ai ka hapur llafin se është lodhur nga qeverisja e që në vend tij urdhëron Vali Bizhga, Endri Fuga dhe Ëngjëll Agaçi. Ai përdor gazetar si prestanome për shkrimet e tij që sulmojnë Lulzim Bashën çdo ditë. Ka në PD që besojnë në dezinformin e tij. Ai porsi djalli ka bindur njerëzit që nuk ekziston.