Pas sukseseve të njëpasnjëshme, Arilena Ara këtë herë do të vijë me albumin e saj të parë me titull “POP ART”. Pjesë e albumit do të jenë edhe këngë të cilat Arilena i ka realizuar si duete me këngëtarë të tjerë.

“Sado që mundohem nuk kam fjalë mjaftueshëm për të shprehur ndjesinë. E lumtur të ndaj me ju lajmin që Albumin tim të parë e ndajnë vetëm pak ditë nga publikimi! Në “POP ART” kam shprehur nëpërmjet muzikës të gjitha ngjyrat që jetojnë brenda meje!”, shkruante Arilena, teksa njoftoi për publikim e albumit muzikor.

Mes 13 këngëve që do të jenë pjesë e “POP ART”, një prej tyre është bashkëpunim, me një nga emrat më të dashur të muzikës, këngëtaren Dafina Zeqiri.

Kjo është hera e parë që të dyja këngëtaret bashkohen për të sjellë një hit. Ka qenë Arilena, ajo që ka shpërndarë një foto me Dafinën në Instagram, si një sinjal për t’iu treguar fansave atë çka pritet të lançohet.

Vetëm pak më vonë, ajo ka publikuar një foto ku shkruante “Thirre…”, që është edhe një pjesë e titullit të këngës me Dafinën. Ndërsa vetë Dafina ka komentuar krahas fotos “Ma mirë shko…”, çka ka lënë të kuptohet se hiti i vajzave është shumë afër publikimit.