Deputeti i PS-së Xhemal Qefalia ka martuar këtë fundjavë vajzën e tij, Klarën, dhe fotot nga eventi i sotëm i ka publikuar në rrjetet sociale.

Teksa i uron jetë të lumtur dhe të gëzuar me Erionin, deputeti socialist i ka kushtur të bijës disa vargje emocionuese, ku ndër të tjera shprehet: “Më bërë të përjetoj sërish të njëjtin emocion si ditën kur erdhe në jetë e të mora në krahë për herë të parë dhe sot po në krah por me fustanin e bardhë të nusërisë”.

Postimi i plotë:

“Kush ka vajza botën ka”!
Më bërë të përjetoj sërish të njëjtin emocion si ditën kur erdhe në jetë e të mora në krahë për herë të parë dhe sot po në krah por me fustanin e bardhë të nusërisë.
BIJA IME!
Ti ishe gëzimi i parë i familjes!
Vitet kaluan pa kuptuar dhe sot je veshur e bërë nuse, duke lumturuar e gëzuar Erjonin dhe familjen e tij, por për ne mbetesh sërish Klara e vogël, e dashur dhe e qeshur.
Dashuri e cila nuk do të mungojë kurrë sa të kemi frymën!
Buzëqeshja jote do të jetë sërish frymëzim për ne, për mamin, Leartin dhe Klausin!
Qofshi të lumtur bija babit!