Kim Kardashian ka njoftuar se do të mbyllë përkohësisht website-n e markës së KKW Beauty, duke shtuar aludimet se vendimi lidhet me divorcin ndaj Kanye West.

Ish-ylli i Keeping Up With the Kardashians publikoi një status duke shpjeguar se faqja e internetit do të mbyllet muajin e ardhshëm pasi do të punohet për kthimin me një brand e markë krejtësisht të re si dhe formula formula më moderne.

‘Për klientët tanë besnikë, gjithçka filloi me një produkt dhe më pas u zgjerua në produkte kozmetike për sytë, buzët, trupin, dhe koleksione me veshje të brendshme (Skims) gjatë katër viteve të fundit. Në 1 Gusht në mesnatë ne do të mbyllim faqen KKWBeauty.com në mënyrë që të mund të kthehemi tek ju me një markë krejtësisht të re, me formula të reja që janë më moderne, inovative dhe të paketuara në një pamje të re. Jam e ngazëllyer që vazhdoj të zhvilloj dhe zgjeroj gamën time të produkteve dhe që ju më në fund të jeni në gjendje ta përjetoni atë ashtu siç e kam paramenduar gjithmonë. Për më tepër, ekipi im po punon për të përmirësuar përvojën e blerjeve të klientëve, me oferta dhe për të gjitha kategoritë nga një faqe e vetme në internet. Faleminderit shumë që keni qenë në këtë udhëtim të pabesueshëm me mua dhe ju premtoj se nuk do të zhdukemi për shumë kohë.’

Pas këtij njoftimi komentet në rrjet ziejnë për emrin e brandit të ri të Kim dhe heqjen e W- shkronja e parë e mbiemrit të Kanye. 40 vjeçarja nuk e ka përmendur vetë një gjë të tillë, por pritet që me këtë rast ndryshimesh, Kim të ndërrojë edhe emrin e markës së produkteve.

Kim nisi procedurat e divorcit në shkurt, pas më shumë se 6 viteve martesë me reperin e famshëm.

-Po pyesni veten nëse Kim do të heqë West me këtë re-brand të KKW? Ekzakt! Një tjetër shkruante:- Rënia e Kanye West, rënia e W. Kanye Kush do të jetë tani? Apo thjesht KK?

-Mendoni se Kim është budallaqe dhe do e lerë aty W-në? Nuk është aq sa mendoni se ndryshe nuk do ishte aq e pasur. Bën sikur nuk sheh e dëgjon, por Kim di të bëjë Money Moves!