“Ju vratë ëndrrat e çdo shqiptari për të jetuar në këtë vend. Duan të ikin sa më parë e t’i shijojnë bukuritë e vendit të tyre vetëm kur të kenë bërë ca lekë në emigrim e të kthehen si turistë”.

Kështu i është drejtuar një qytetar kryeministrit Edi Rama, mëngjesin, teksa ky i fundit, ka postuar në rrjete sociale, pamje nga lumi i Shalës.

“Mirëmëngjes dhe me parajsën, Lumi i Shalës, ju uroj një fundjavë të mbarë”, shkruan Rama.

Por qytetarët, pavarësisht pamjes së bukur që ofron lumi i Shalës, i kanë radhitur Kryeministrit disa të vërteta larg asaj që ai propagandon.

Mungesa e rrugës dhe mungesa e energjisë elektrike, e zbehin bukurinë e lumit të Shalës dhe mbi të gjitha mungesa ekonomike që i privon qytetarët për të shkuar dhe për ta vizituar.

Propagandën e Ramës, qytetarët e kanë rrëzuar me fakte, duke i shkruar se ajo që ai reklamon është larg së të vërtetës.

Janë të shumtë qytetarët që ia rrëzojnë çdo ditë propagandën Kryeministrit, por nga ana tjetër kritikat e tyre hiqen menjëherë nga rrjeti social i Kryeministrit, duke lënë ndonjë tek tuk, sa për të thënë se janë të hapur ndaj çdo lloj qëndrimi.

Më poshtë po sjellim reagimet e qytetarëve.