Kryesore
Nxorri ‘sekretin’ se Shqipëria kishte humbur ”pakëz” me çështjen Beccheti, lirohet nga detyra avokatja e shtetit, kush e zëvendëson
Avokatja e Shtetit Enkelejda Muçaj është liruar nga detyra me vendim të qeverisë së kryeministrit Edi Rama, ndërsa në vendin e saj është emëruar Brunilda Lilo.
Muçaj u bë e famshme pak kohë më parë, kur tha se Shqipëria kishte humbur pak (rreth 120 milionë euro) në betejën me biznesmenin Francesko Beccheti, pasi dëmshpërblimi që ai kërkonte në arbitrazh ishte disa herë më i lartë.
Ndërkohë sa i takon zëvendëses së saj, Lilo ka shërbyer si avokate në gjykatat e arbitrazhit, por nuk ka një profil të lartë publik.
VENDIMI I KRYEMINISTRIT EDI RAMA:
PËR LIRIMIN DHE EMËRIMIN E AVOKATIT TË PËRGJITHSHËMTË SHTETIT. Në mbështetje të nenit 100 të Kushtetutës dhe të neneve 21, pika1, 26, pika 5, shkronja “a”, të ligjit nr.10018, datë 13.11.2008, “Për Avokaturën e Shtetit”, të ndryshuar, me propozimin e Kryeministrit, Këshilli i Ministrave
VENDOSI:
1. Znj.Enkelejda Muçaj lirohet nga detyra si Avokat i Përgjithshëm i Shtetit.
- Znj. Brunilda Lilo emërohet Avokat i Përgjithshëm i Shtetit. Ky vendim hyn në fuqi menjëherë. KRYEMINISTËR Edi Rama
