Katër persona mbeten të vrarë mëngjesin e sotme në Velipojë dhe dy të tjerë u plagosën pas një konflikti për shezlongët.

Mes viktimave, mbeti i vrarë dhe 20 vjeçari Myzerim Zeneli. I riu i cili ishte dhe jetim, kishte vetëm një ditë që kishte filluar të punonte si kamerier në hotelin e “Gocaj”, por rezultoi që dita e parë e punës, të ishte dita e fundit e jetës së tij.

Megjithëse ngjarja kishte tronditur vendin, kryeministri Edi Rama e nisi ditën duke publikuar një foto të qetë nga bregdeti i Velipojës, duke mos përmendur asnjë fjalë për masakrën që ndodhi gjatë natës.

“Mirmëngjes nga Velipoja e dashur,” shkruante kreu i qeverisë krahas fotos, për ta fshirë vetëm disa minuta më pas pasi një lumë komentesh negative vërshuan në faqen e kryeministrit.

Pas qindra komenteve negative, në mbrojtje të kreut të qeverisë ka dalë gazetarja Anila Basha të cilës duket se i dhimbset më shumë kryeministri se sa 20 vjeçari që humbi jetën, edhe pse nuk kishte asnjë lidhje me ngjarjen.

Basha ka publikuar një status të gjatë në rrjetet sociale, ku rreket të shpjegojë se fotoja është bërë me planifikim nga zyra e shtypit të kryeministrit një ditë më parë, dhe jo nga vetë Rama.

Gazetarja Basha e ka hallin se pse doli një postim i vendosur në kalendar nga zyrtarët e Ramës,  apo zyra e tij e propagandës, dhe jo të bilanci luftës me viktimat.

‘Tragjedia e vërtetë janë pronarët e strukturave turistike me kallashe poshtë banakut e pistoleta në brez që të fusin tmerrin”, shkruan Basha, megjithëse dhe ata operatorë turistikë me kallash e pistoleta poshtë banakut janë nën hundën e policisë së shtetit dhe qeverisë Rama.