Radar
Merkel “përzien” vaksinat/ Pas Astrazenca-s, dozën e dytë e merr nga Moderna
Angela Merkel
Kancelarja gjermane Angela Merkel ka marrë dozën e dytë të vaksinës, njoftoi zyra për shtyp e saj. Merkel dozën e parë e mori nga AstraZeneca, ndërsa të dytën nga Moderna.
Ajo mori dozën e parë të vaksinës më 16 prill, në kohën kur përdorimi i Astrazeneca-s ishte në pikpyetje për shkak të raportimeve për mpiksje gjaku.
Përdorimi i vaksinës së AstraZeneca-s është e rezervuar në Gjermani për personat mbi 60-vjeç. Disa vende, përfshirë Gjermaninë, kanë zgjedhur të përdorin vaksinën e Pfizer-BioNTech ose Moderna-s si dozë të dytë.
Më shumë se gjysma (51.2%) e popullsisë gjermane kanë marrë të paktën një dozë kundër koronavirusit dhe 26.3 milion (31.6%) janë vaksinuar plotësisht, sipas shifrave të botuara të martën nga instituti Robert Koch.
