Partia Demokratike ka nisur një analizë mbi rezultatin e 25 prillit. Në formularin e shpërndarë nga Sekretari i Përgjithshëm, drejtuesit e qarqeve dhe ata lokal, duhet të krahasojnë rezultatin e 25 prillit me zgjedhjet e mëparshme.

Partia Demokratike kishte si objektiv në zgjedhjet e 25 prillit 707 mijë vota të cilat do të mund t’i siguronin një numër mandatesh që bashkë me Lëvizjen Socialiste për Integrim të qeverisnin vendin.

Megjithatë, shumica prej drejtuesve politikë nuk i përmbushën objektivat e tyre. Sipas ABC, 15 prej 19 drejtuesve politikë të PD nuk mundën të përmbushnin objektivin e votave të përcaktuar nga kryedemokrati Lulzim Basha, rezultat që më pas u reflektua edhe në numrin e mandateve që PD mori në 25 prill.

Më larg pritshmërive ka qenë drejtuesi politik i qarkut të Shkodrës, Helidon Bushati, pas tij në listën e personave që janë më larg objektivit të vendosur nga PD është Enkelejd Alibeaj që drejtoi demokratët në Fier, por edhe në Vlorë dhe Berat, ku drejtuan përkatësisht Bujarv Leskaj dhe Tomor Alizoti.

DREJTUESI             OBJEKTIVI                                   REZULTATI

-Xhelal Mziu                  37.000                                               29.020
-Bujar Leskaj                 40.100                                               32.128
-Edmond Spaho            60.455                                               50.479
-Edi Paloka                    64.000                                               63.393
-Gazment Bardhi           60.000                                               57.878
-Enkelejd Alibeaj           79.500                                               64.680
-Tritan Shehu                23.500                                               13.971
-Flamur Hoxha              24.360                                               24.701
-Flamur Noka                34.200                                               33.056
-Grida Duma                 18.300                                               14.064
-Mark Marku                37.000                                              33.998
-Helidon Bushati            63.600                                               47.205
-Aldo Bumçi                   20.450                                               20.897
-Jorida Tabaku             27.700                                               25.696
-Alfred Rushaj               19.450                                               17.463
-Agron Shehaj               24.700                                               25.886
-Belind Këlliçi                17.800                                               22.827
-Albana Vokshi              22.400                                               22.446
-Tomorr Alizoti              33.000                                              23.029