Radar
Justin dhe Hailey Bieber takohen me presidentin Macron
Justin Bieber dhe gruaja e tij Hailey ishin të ftuarit e nderit në Pallatin Elysee në Paris ku u takuan me Presidentin Emmanuel Macron.
Çifti ishte duke shijuar pushimet në qytetin francez ditët e fundit, kur morën një ftesë nga pallati presidencial.
Bieber ndau një foto në rrjetet sociale ku shihej së bashku me gruan e tij dhe presidentin Macron me bashkëshorten e tij.
Është ende e paqartë pse Justin dhe Hailey u takuan me udhëheqësin e kombit, por vizita u zhvillua në Ditën Botërore të Muzikës, e cila u themelua në Francë më 1982.
Kanali televiziv francez BFMTV raportoi se takimi ka ndodhur me kërkesë të këngëtarit dhe thuhet se ata kanë diskutuar çështje në lidhje me të rinjtë e talentuar.
Burimi: Music News
