Edi Rama është më shumë komunist se Ruçi në sjellje.

Largimi i Ruçit nga politika, Patozi: Gramozi ka qenë si një “thes boksi”, Rama është më komunist në sjellje

Koordinatori i Bindjes Demokratike, Astrit Patozi ka komentuar largimin e Gramoz Ruçit nga politia.

I ftuar në Absolut 4, Patozi u shpreh se ish-kreu i Parlamentit është sulmuar shpesh edhe padrejtësisht për të shkuarën e tij, pasi sipas tij Edi Rama është më shumë komunist se Ruçi në sjellje.

 “Nuk besoj se ikja apo qëndrimi i Ruçit mund të ndryshonte rezultatet e PS, por perceptimin e ndryshon ikja e tij, është një lloj lehtësimi që i bëhet PS dhe nga e shkuara. Gramoz Ruçi ka qenë si një “thes boksi” për ne që ishim kundërshtarët e tij.

E akuzonim që kjo është Partia e Punës, por padrejtësisht do të thosha unë sepse është më shumë komunist Edi Rama sesa Ruçi si sjellje. Sjelljet despotike, autoritare i ka më të spikatura Rama sesa Ruçi. Ne e përdornim Ruçin si një lloj embleme e të vjetrës në PS, pothuajse padrejtësisht. Ruçi ishte një lloj ikone e PS sepse ishte aty nga dita e parë derisa vendosi vetë që të largohet. Si gjest politik është fin dhe mua nuk më pengon fakti që e kam kundërshtar të them të vërtetën”, tha Patozi.