Në 30 qershor pritet të hidhen në treg prerjet e reja të kartëmonedhave 1000 dhe 10000 lekë.

Pedagogu i Fakultetit të Ekonomisë, Igli Tola ka thënë se kartëmonedhat e reja mund të keqpërdoren edhe nga bota e krimit, pasi mund të heqin dorë nga përdorimi i prerjeve të mëdha të dollarit e eurove, dhe të kthehen nga kartëmonedhat e prerjeve të mëdha në lekë.

I ftuar në Top Talk”, në Top Channel sipas Tolas edhe në SHBA i është kërkuar qeverisë amerikane që të tërheq 100 dollarëshin sepse përdoret në një masë drastike për të lehtësuar transaksione në botën e krimit.

“Marrim si shembull 1 mln dollarë po ti kemi në prerje 100 dollarëshe do të duhen gati 10 kg, ndërkohë kjo vlerë po të ekuivalentohet në euro duhet më pak se 2 kg. Kjo gjë e lehtëson në botën e krimit.

Për aq kohë sa nuk gjejmë një arsye tjetër ekonomike që është në favor të aktorëve të tjerë ekonomise për të lehtësuar transaksionet e tyre të përditshme  në shoqëri, dashje pa dashje i kemi krijuar një lehtësi botës së krimit dhe të ryshfetit që të mos përdorin më euron apo dollarin, por të fillojnë të përdorin lekun”, tha Tola.