Serdar Hoxha është kryetari i ri i Inspektoriatit Kombëtar të Mbrojtjes së Territorit në Shkodër. Hoxha zuri vendin e Ilir Niklekaj, i cili dha dorëheqjen nga ky post.

Hoxha kandidoi nën siglën e PSD-së së Tom Doshit në zgjedhjet e 25 prillit. Ai ishte i renditur i 5-ti në qarkun e Shkodrës, por Partia Socialdemokrate arriti të marrë vetëm dy mandate.

Kandidati i Doshit është vendosur në krye të një institucioni të rëndësishëm, në një kohë kur aksioni kundër ndërtimeve pa leje është në kulmin e tij. Prej më shumë se një jave, ka nisur prishja e ndërtimeve pa leje në bregdet, por jo vetëm.

Sot u ri-zyrtarizua haptas ortakëria mes Rames dhe Doshit ne kurriz të Shkodres. Emërimi i ushtarit të listës Doshi në Shkodër si drejtor në një post kyç nuk është as shpërblimi i parë, por as i fundit për masakren zgjedhore.

Pasi e majmi me lekë nga taksat e shqiptarëve, sot Rama po i jep Tom Doshit edhe pjesë nga torta e pushtetit të hajnisë. Edi Rama e ka ngritur gjithçka mbi mashtrim dhe vjedhje. Mashtroi shqiptarët dhe ndërkombëtarët se me Doshin nuk do të qeveriste, po me Doshët vodhi shqiptarët me 25 Prill.

Emërimi i sotshëm është vetëm preludi i qeverisjes kriminale të Shtatorit dhe fytyra e vërtetë e zgjedhjeve të 25 Prillit. Shkodra nuk mund të jetë peng i këtij kulti kriminal që si qëllim ka vjedhjen, vjedhjen dhe asgjë tjetër.