Shqipëria dhe emigrantët!

Nëse e keni për karrierën në perëndim duhet ta dini që është me e thjeshtë se në Shqipëri, sepse meritokracia na e lejon këtë.

Nga Besmir Semanaj

U bënë disa vite që jetoj jashtë Shqipërisë dhe gjate kesaj kohe kam kuptuar diçka te rendesishme.
Shqiperia behet dhe do te behet nga shqiptaret qe jetojne ne Shqiperi dhe jo nga ne qe jetojme jashte.

Ajo qe ne mund te bejme eshte ndihma dhe konsulenca ne fushat ku ne punojme dhe kemi eksperience por ne asnje menyre nuk duhet te mendohet qe jemi me te afte dhe te zgjuar se koleget dhe miqte tane ne Shqiperi.

Kohët e fundit kam patur shume kontakte me njerez te moshave të ndryshme nga diaspora dhe te jem I sinqerte jam bezdisur nga ideja qe ata kane per shqiptaret ne Shqiperi.

Një pjese mendojne se jane aq te zgjuar dhe shohin cdo shqiptar me përcmim dhe jeta e tyre ne Shqiperi ju duket shume e thjeshte. Japin mendime dhe ide utopike se si do benin biznes, si do benin shtetin dhe si do permiresonin jeten e cdo shqiptari me statuse FB dhe ndonje muhabet kafeneje.

Të jetosh jashte nuk eshte vlere e shtuar dhe as nuk te ben superior ndaj askujt, ju siguroj qe ne Shqiperi ka shume njerez te talentuar dhe me vlera qe luftojne cdo dite per te miren e familjes, qytetit dhe shtetit.

Ikja nga Shqipëria e teknicienëve dhe intelektualeve eshte zgjedhje personale per nje pagë me te mire dhe jete me dinjitoze. Jete te cilen e veshtireson politika dhe politikanet.

Njoh shume pak emigrante qe pranojne te kthehen ne Shqiperi pa nje post te mire, mundesisht nje post qe do ju mundesonte dhe ca benefite qe ketu nuk I enderrojne. Nuk kam njohur ndonje qe do vinte me nje rroge shteti duke lene 5 ose me shume fishin ne perendim.

Te leme menjane idealizmat ne FB dhe te mundohemi te kontribuojme me ato qe kemi ne dore por pa ngritur vlerat tona mbi nivelin qe kemi dhe pa ulur ata qe po luftojne cdo dite ne Shqiperi.

Nese e keni per karrieren ne perendim duhet ta dini qe eshte me e thjeshte se ne Shqiperi sepse meritokracia na e lejon kete.

Neve si diasporv na takon të luftojme per te drejtat tona, per voten e emigrantit dhe mbajtjen gjalle te kultures dhe tradites. Ne duhet te organizohemi ne vendet ku jemi dhe te lobojme per te miren e Shqiperise.

Diaspora duhet të bashkohet dhe të forcohet, kjo është ndihma kryesore që mund të japim për Shqipërinë.