Shkrimtari i njohur ndërkombëtarisht, Ismail Kadare, është vlerësuar me titullin “Nderi i Bashkisë së Fierit”, me motivacionin: “Për kontributin e jashtëzakonshëm që i ka dhënë ndër vite letërsisë shqipe dhe për promovimin e saj në nivelet më të larta të kulturës botërore”.

“Jam i lumtur që jam midis jush, besojeni për shkrimtarin sado i dëgjuar të jetë, dashuria e lexuesit është e shtrenjtë, prandaj ju falënderoj nga zemra për këtë pritje kaq të bukur, të ngrohtë e kaq shqiptare”,- u shpreh Kadare.

Çmimi iu dorëzua në sallë e teatrit nga kryebashkiaku “Armando Subashi”. Gjeniu i letrave shqiptare foli i emocionuar, teksa rikthehej në qytetin e Fierit pas 30-vitesh, këtë herë si qytetar nderi.

Sapo u kthyen nga Fieri, shkrimtari dhe aktori i njohur Timo Flloko, sjellin me emocione disa vargje nga “Re me pantallona” të Majakovskit, përkthyer nga Kadare.

Sapo drejtoresha e Qendrës Kombëtare të Librit, Alda Bardhyli, u sjell në mendje “Re me pantallona” të Majakovskit, nis recitimi i disa vargjeve. Në fillim nga Kadare dhe menjëherë më pas, edhe nga aktori Timo Flloko. Një moment që nuk duhet humbur…