…të gjitha ato protesta “trendy e në modë” që sistemi promovon e financon, kërkojnë pikërisht shthurjen e njeriut

Nga Ledian Droboniku

Modeli që Perandoria i dikton kolonive të veta është kancerogjen, jo vetëm ekonomikisht e politikisht por së pari shpirtërisht. Ai synon jo vetëm rënien e shteteve dhe kombeve por dhe rënien e Njeriut si krijesë komunitare me etikë e solidaritet, histori e identitet.

Ja pse SOT e vetmja PROTESTË E DUHUR është ajo në mbrojtje të vlerave shekullore pro familjes, komunitetit e kombit. Kurse të gjitha ato protesta “trendy e në modë” që sistemi promovon e financon, kërkojnë pikërisht shthurjen e njeriut, asgjësimin e vlerave që mbajnë bashkë njeriun në komunitet, dorëzimin e individit apolid, pa rrënjë e identitet, premtimin e të drejtave virtuale e dhunimin e të drejtave reale, shtimin e konflikteve horizontale mes skllevërve dhe anullimin e konfliktit vertikal kundër sistemit.

Ja pse sistemi neoliberist, emisarët e perandorisë, ambasadat, ojq, mediat, nuk do promovojnë kurrë protesta #përtëDrejta për punën, arsimin, shëndetin, ushqime jo kancerogjene, sindakata, rroga, pensione, familje, strehim, por vetëm protesta false që nuk rrezikojnë sistemin por fajësojnë vetë. skllevërit.