Kush do flasë për oligarkët?

Kush do flasë për oligarkët? / Burimi – ‘ Ne Shqipëria ‘ ne facebook

Rama ka harruar çfarë thoshte dikur. Basha as emrat nuk ua përmend dot. “Por ndryshe nga ata që armikun e popullit e kishin pa dallim, këtu ka dallime, se shumica janë armiq të mëdhenj të popullit , kurse disa miq të mëdhenj të qeverisë, që jo vetëm nuk diskutohet që ju rimbursohet TVSH-ja me precedencë, ju paguhen punët me precedencë, por, përkundrazi, nuk lënë të punojnë as të tjerët.

Marrin çdo punë, bëjnë biznes me paratë e këtij populli në çdo sektor, portofole të diversifikuar, janë për çdo gjë. Do të bësh rrugë, janë ata! Do të investosh në teknologji të lartë, janë ata! Do teknologji të ulët, janë ata! Do karroca, janë ata!

Do vetura, janë ata! Do linjë ajrore, janë ata! Të gjitha i bëjnë! Flasim gjithçka. Shikoni vetëm koncesionet, merrini shikojini. Madje, dhe ata që kanë koncesione dhe nuk janë ata, i kanë paguar koncesionet sa qimet e kokës, për ata.”- Edi Rama, Nëntor 2013

“Çdo vend është borxhli gjithë jetën, nuk ka vend pa borxhe.

Ne kemi një borxh shumë të shëndetshëm. Kemi një borxh që e kemi marrë për rritje dhe jo ta përdorim siç e përdorte Saliu. Nuk ka oligarkë në Shqipëri.

Nuk ka në Shqipëri oligarkë. Nuk ka!. Ata janë njerëz të pasur, por e kanë kapacitetin e imponimit tek mua dhe tek qeveria ime zero.”- Edi Rama, Prill 2021