Sport
Një palë këpucë të yllit të Barcelonës Messi, shiten në ankand për 173,000 dollarë
Një palë këpucë futbolli të Lionel Mesit janë shitur për bamirësi për 173,000 dollarë, tha të premten shtëpia e ankandit Christie’s.
“Këpucët u ofruan në ankand për të mbledhur fonde në ndihmë të programit të Artit dhe Shëndetit të Spitalit Universitar Vall d’Hebron”, tha Christie’s.
Çmimi i shitjes prej 173,000 dollarësh ishte rekord i ankandit botëror për një palë këpucë futbolli, të cilat fillimisht u shfaqën në Muzeun e Artit Kombëtar në Barcelonë, sipas Christie’s
Këpucët në fjalë nuk ishin aspak të vjetra. Ato u veshën nga argjentinasi i Barcelonës kur ai shënoi golin e tij të 644-t për Barcelona në 22 dhjetor 2020 për të tejkaluar rekordin e golave të shënuar për një klub të vetëm, të mbajtur deri atëherë nga braziliani Pele.
