Lulzim Basha është me fat që ka Berishën

Lulzim Basha është me fat që ka Berishën

Koment Nga Bilbil Beqiri ( http://Podiumi.com media online, prej vitit 2016 )

Doktor Berisha është njeriu që të gjithë e kanë dashur të paktën njëherë në jetë.

Edhe kundërshtarët më të zjarrtë të tij janë njerëz qe e kanë dashur shumë atë. Doktor Berisha është njeriu që është mësuar me sulmet dhe me lëvdatat, kështu që si fole keq për të, si mirë, prapë nuk ndryshon asgjë.

Doktor Berisha përveç të tjerash është shkollë politike dhe duhet ta konsiderojnë veten me fat, ata politikanë të rinj që kanë shansin ta kenë afër. Aq më tepër , kryetari i partisë demokratike z. Lulzim Basha.

Zëra kecash instagrami që nuk dinë t’i japin as “biçikletës” nuk duhet të përfillen fare. Gjoja PD-ja duhet të ndahet nga tradita e Berishës etj etj. Në vend që ta vlerësojnë si një fat të madh prezencën e një personaliteti me aq ekperiencë, dhe të konsultohen për çdo gjë, artikulojnë mendime të promovuara nga kundërshtari politik i Berishës pa e kuptuar fare.

Cila është e bukura në këtë histori ?!

Eshtë pikërisht kundërshtari politik ai që e imiton doktor Berishën më tepër se askush tjetër, dhe ia ka parë hajrin. Shumica e manovrave politike jane modele që Edi Rama i ka mësuar nga Berisha. Kurse këta që kanë doktor Berishën aty, nuk ia dine si duhet kimetin.

Sinqerisht e them, të rinjtë në PD, të shkojnë me vrap në kancelari, të blejnë nga një bllok shënimesh dhe të fillojnë të analizojnë me përulësi traditën politike të doktor Berishës, dhe të mos bien pre e fakenews-eve xheloze të kundërshtarit politik.