“Më lanë pa karrige thjesht se jam grua”

Presidentja e Komisionit Evropian, Ursula von der Leyen, e cilëson seksiste mënyrën sesi u prit në presidencën turke, gjatë vizitës së saj në Ankara.

Pak javë më parë, Von der Leyen u prit në një zyrtar së bashku me homologun Charles Michel, por protokolli i presidentit turk nuk kishte parashikuar karrige për të dhe ajo u detyrua të ulej në divan.

“Ndodhi sepse unë jam grua“.

Duke folur para ligjvënësve në Parlamentin Evropian, Von der Leyen tha se nuk mund të gjente ndonjë justifikim në traktatet evropiane, për të shpjeguar se pse ajo u ul në një divan aty pranë ndërsa Presidenti turk Rexhep Tajip Erdogan dhe Michel ishin ulur në karriget madhështore.

“A do të kishte ndodhur kjo sikur të kisha veshur një kostum dhe një kravatë?” pyeti ajo, duke theksuar gjithashtu se nuk kishte parë të mungonte karrigia në takimet e mëparshme të liderëve të lartë të BE me Erdogan.

“Unë jam e sigurt që edhe ju e dini si u ndieva“, tha ajo. “Unë u ndjeva e lënduar dhe ndjeva vetëm, si grua dhe si evropiane“.

Të tre udhëheqësit ishin në Ankara për të diskutuar se si të rifillojnë koordinimin me Turqinë për çështje jetike si migrimi dhe zgjerimi i bashkimit të tyre doganor. Por takimi u eklipsua nga incidenti që mediat më pas e pagëzuan si “Sofagate”.