Temporal
Flutura Açka: Heroi im, Gazment Bardhi
Shkrimtarja Flutura Açka që kandidon për deputete në listën e Partisë Demokratike në Elbasan ka bërë një dedikim të ndjerë për kolegun e saj Gazment Bardhi me të cilin ka ndarë këto javë emocionet e fushatës elektorale.
“Heroi im: Gazment Bardhi. Sa ditë plot emocione e prani njerëzore e mbrëmje miqësore nën shtjellë duhani kemi ndarë në këto javë! Me djem të tillë të pastër, të qeshur, të mençur, shpirtbukur e profesionistë dhe të pakompromis, e kemi gatuar fitoren dhe do të garantojmë një qeverisje të shëndetshme nesër”- shkruan Açka në facebook duke ndarë një foto të sajën me Bardhin.
Bardhi, sekretari i Përgjithshëm i PD-së, është drejtues politik i fushatës së PD-së në Elbasan, një qytet ku konflikti politik është më i fortë se në çdo qark tjetër.
