Emrin Belindës ia ka vënë Enver Hoxha.

“Emrin ia ka vënë Enver Hoxha, ja pse Rama e quan shtrigë”. Opinionisti kontrovers ka një teori për të shkuarën e ministres (lidhet me gjyshin)

Opinionisti kontrovers Kastriot Myftaraj që drejton një emision në kanalin Ora News ka një teori për emrin e ministres së Transportit dhe Infrastrukturës, Belinda Balluku.

“Në vitin 2018 kryeministri Rama gjatë ceremonisë për përurimin e kompanisë ajrore Air Albania e quajti Ministren e sotme, atëherë drejtoreshë e Agjencisë Ajrore Albcontrol, e quajti shtriga kuqezi e aviacionit shqiptar. Njerëzit u habitën dhe shpejtoi drejtori i Komunikimit të Edi Ramës, Endri Fuga, të përhapte një shpjegim se e quajti shtrigë se shtrigat fluturojnë. Shtrigat fluturojnë mbi fshesë. Por Kryeministri di disa gjëra më të thella,  dinte diçka për të kaluarën e Belindës” – thotë Myftaraj dhe tregon historinë e mëposhtme:

“Gjyshi i Belindës, Beqir Balluku ishte Ministër i Mbrojtjes për një periudhë të gjatë, me profesion bazë kazanxhi. Ishte atentator që vriste njerëz, intelektualë. Beqirin e pushkatoi Enver Hoxha si puçist dhe agjent.

Emrin Belindës ja ka vënë Enver Hoxha. Kur ajo lindi, gjyshi i saj ishte ende në fuqi, Belinda ka lindur në bllokun e udhëheqjes. Por ndodhi një problem pastaj, që Rama duket se e di. Një javë pas lindjes Enverin e godit infarkti i tmerrshëm në zemër që e bëri invalid deri në vdekje. Nexhmija që e kishte gjuhën e hidhur nxori një teori që e mërziti shumë Beqirin, tha që u lodh shoku Enver duke mbajtur në krah Belindën…”