ITALI– Kryeministri Italian, Mario Draghi ka zemëruar Turqinë duke e quajtur presidentin Rexhep Tajip Erdogan “një diktator” dhe duke e akuzuar atë për poshtërimin e presidentes së Komisionit Evropian Ursula von der Leyen gjatë një vizite diplomatike në Ankara këtë javë.

Kryeministri i Italisë kritikoi Erdoganin për një incident kur von der Leyen u la në këmbë ndërsa presidenti turk dhe Charles Michel, presidenti i Këshillit Evropian, u ulën në dy kolltuqe ngjitur në atë që është bërë një polemikë e nxehtë midis BE dhe Ankarasë rreth protokollit dhe fajit .

“Unë absolutisht nuk jam dakord me sjelljen e Erdogan ndaj presidentit von der Leyen, unë nuk mendoj se ishte sjellje e përshtatshme dhe më erdhi keq për poshtërimin që duhej të vuante von der Leyen” , tha Draghi.

Ai e quajti presidentin turk “një diktator”, por mbrojti angazhimin e vazhdueshëm diplomatik të BE me Ankaranë. “Me këta diktatorë, le t’i quajmë ata si janë, duhet të jemi të sinqertë në shprehjen e larmisë së pikëpamjeve dhe vizioneve të shoqërisë,” tha ai.

Ankaraja nuk mbeti pa reaguar. Ministri i Jashtëm turk Mevlut Cavusoglu i dënoi me forcë fjalët e kryeministrit italian e i quajti të papranueshme.

“Ligjërim populist dhe komentet e shëmtuara ndaj presidentit tonë të zgjedhur,” tha Cavusoglu

Incidenti që ka mërzitur kryeministrin Italian ndodhi më 6 prill gjatë një takimi diplomatic në Ankara, ku Ursula von der Leyen, mesa duket nuk u prit dhe aq mirë