Kryetari i Bashkisë së Tiranës Erion Veliaj, i ftuar në emisionin “Opinion”, u shpreh se do të rikandidojë për një mandat të tretë. Ai është shprehur për herë të parë lidhur me këtë vendim gjatë një dialogu me Mentor Kikia dhe gazetarin Blendi Fevziu.

Kikia: Ka një perceptim publik që po përgatiteni të jeni pasuesi i Ramës në PS

Veliaj: Perceptim i gabuar

Kikia: Ju vetë keni punuar për këtë status? E synoni, e mendoni?

Veliaj: Nuk e synoj. Unë, të jemi mirë, pas dy vitesh do rikandidoj për Bashkinë e Tiranës për një mandat të tretë. Kjo është puna që bëj me pasion që kur zgjohem në mëngjes. E di që kam për të marrë vendime të vështira për qytetin, që disa edhe mërziten, por duhet bërë.

Fevziu: A mbeteni ju trashëgimtari nëse humbet Rama dhe a po luani rol për këtë?

Veliaj: Rama jo vetëm që s`humbet në zgjedhje, por do thyejë rekord. Ju më thoni mos fol për objektiva, por hipoteza. Janë bërë 10 sondazhe nga 10 burime të ndryshme që nxjerrin fituse PS