Kriza në Aeroportin e Rinasit është përpjekja e fundit Edi Ramës për të larguar vëmendjen nga Skandali Becheti.

Kështu u shpreh Dashamir Shehi kreu I LZHK-së kandidat për deputet I opozitës në listat e Tiranës në një intervistë për Dritare. Net. Shehi theksoi se me keto budallalliqet për grusht shteti, Rama po na ngjall Enver Hoxhën.

“Kjo është ngatërresa e fundit e Ramës për të harruar punën e Bechetit. E dyta është politizimi ekstrem i një situate e cila është një situatë negociatash për punë parash, e cila mund të zgjidhej fare mirë nëse shteti nuk do të kishte këto nëpunëse që ka sot, të paafta, të pazonja për të mbyllur një negociatë kaq elementare fare. Kjo situatë mund të zgjidhej fare lehtë, por që i ka shërbyer kryeministrit Rama për të sajuar grushtin e shtetit. Na ngjalli Enver Hoxhën me këto budallaqe dhe përralla, sepse i vetmi që mund të bëjë grusht shteti në këtë shtet është Rama, që ka 8 vjet që ka çdo gjë në dorë. Dhe është e fundit fare për të shtrirë influencën turke në Shqipëri. Kur s’kemi spitale na vjen spitali turk, kur nuk kemi ilaçe na vijnë vaksinat turke se nuk i marrim dot në Kinë. Kur s’kemi punëtorë në aeroport na vijnë kontrollorët turq. Në fakt kemi pak filma turq nëpër televizione që të shtojmë edhe ca të tjerë. Por kjo është një linjë e rrezikshme. Me gjakftohtësi dhe përralla disa ditë para zgjedhjeve po e shtyn Shqipërinë në aksin Perëndimor. Por do t’i paguajë pasojat e këtyre veprimeve.”,- shpreh Shehi.
Dashamir Shehi pohoi se më 25 prill Partia Demokratikë në Tiranë pretendon të marrë 20 mandate.

“Unë nuk jam nga ata që thonë për 30-40 mandate. Ne do të shkojmë për 20 mandate, që është një shifër logjike, normale kur përmbysen pushtetet. Nuk ka asgjë të jashtëzakonshme. Herën tjetër ishim 16 mandate, u shtuan dhe dy në Tiranë. Pretendimi ynë është që të marrim edhe dy mandate si opozitë e gjitha, që të shkojmë 20 mandate, pra më shumë se herën tjetër.”, tha Shehi ndër të tjera