Vaksinat, Sonila Meç֛o: Rama shantazhon shqiptarët, e papranueshme. Ftesë publike Yuri Kim për në Tempora

Pas raportit të Transparency International është Departamenti Amerikan i Shtetit i cili ngre alarmin për përhapjen e korrupsionit në Shqipëri, presionin ndaj medias së lirë dhe mos ndëshkimit të zyrtarëve të lartë.

“Janë kapur të gjitha shtyllat funksionale të shtetit. Asgjë që nuk e dinim nuk na ka thënë TiA. Asgjë që nuk ka përfunduar në dosje të stivuara pranë institucionit të drejtësisë. Por kur do të fillojë të veprojë ndëshkimi?  Analizon gazetarja e njohur, autore dhe moderatore e emisionit “Tempora” Sonila Meço e ftuar në studion e RTV Ora me gazetaren Beti Njuma.

Raporti, thotë Meço, i ka bërë një panoramë të saktë asaj çfarë ndodh me median në Shqipëri.  “Aty thuhet që mediat e pavarura kanë funksionuar, por në një pjesë e madhe ose kanë përfunduar në zyrat e shtypit të pushtetit duke marrë informacione ose pronarët e tyre janë sjellë si njerëz që vendosin gjoba ndaj politikës dhe biznesit. “

“Media nuk mund të dalë jashtë këtij sistemi oligarkik, i cili sot është i vetmi që i jep garancinë kryeministrit  të dalë me një arrogancë e agresivitet të shtuar përballë publikut që e fton të votojë. Ky grup oligarkik duhet të jetë ushqyer kaq mirë gjatë këtyre viteve me ligje të veçanta e pasuri publike, sa shohin në pasqyrë njëri tjetrin e i thonë: Rri i qetë ne do ta japim pushtetin nga poshtë Ndërkohë DASH thotë Stop. “

Një tjetër shqetësim është dhe rënia e besimit të shqiptarëve tek SPAK

“Problemi që më shqetëson është se këtyre raporteve shtoj dhe raportin e Barometrit të Sigurisë të pak ditëve më parë që nënvizonte se besimi i shqiptarëve tek SPAK e drejtësia ka rënë në mënyrë drastike. “

Sonila Meço ftoi publikisht zonjën ambasadore në një intervistë për emisionin Tempora.

Beti Njuma: Ka një pyetje që e bëjmë sa herë ka raporte që vijnë nga DASH. Duket sikur nuk janë në të njëjtën linjë me përfaqësuesin amerikan në Shqipëri. Mos ia zë objektivitetin tymnaja e propagandës së qeverisë përfaqësuesve amerikanë që vijnë në Tiranë?    

Sonila Meço: Vazhdimisht i kam dërguar ftesa për një intervistë, sepse më ka pëlqyer natyra e saj e komunikimit. Do kisha dashur të bëja një intevistë jo aq formale por si një shqiptar që ulet përballë zonjës Yuri Kim që përfaqëson vendin ku shqiptarët besojnë më së shumti. Ia kam bërë ftesë.

Por të mos harrojmë Zonja Yuri Kim është përfaqësuese ambasadore e cila ndjek pas jo vetëm interesat politike por dhe ato ekonomike e të biznesit. Natyrisht ka përshtypjet e veta, konsideratat e veta.

Meço komentoi dhe deklaratën e Ramës bërë dje në Lezhë “Nëse PD vjen në pushtet mos tju shkojë në mëndje që rindërtimi  e vaksnimi do të vazhdojë”

Beti Njuma: A mundet kryeministri me vaksinat që blen me paratë e taksapaguesve shqiptarë ti kërcënojë shqiptarët në këtë lloj forme?

Sonila Meço: Kurrë nuk mundet, por në Shqipëri ndodh. Ishte kërcënim shantazh. Është e papranueshme. Madje me jrusitët që kam folur ka një bazë për nisje të një hetimi nga porkuroria”