Vlashent Sata ka një stil të veçantë në muzikën që bën dhe është shumë i pëlqyer, sidomos nga ata që e vlerësojnë artin e vërtetë, një gjë që Vlashenti e bën me shumicë.

Këngëtari ka publikuar këngën e tij të re dhe titullohet “Frymë”.

Një këngë shumë e ndjerë me një videoklip po ashtu shumë të veçantë. Nis me Vlashentin që “i jep jetë” dy kukullave dhe mbaron po me Vlashentin që i bie pianos me një vajzë të vogël kaçurelse, e cila është vajza e Greis Petroviç, Emeli.

Ndër rreshta, Vlashenti këndon:

“Me pas ditë se ish’ kènë i fundit përqafim t’kisha rrok pak ma shumë, pak ma shumë, pambarim. Me pas ditë se ish kènë e fundit puthja jote n’ ballë, s’kisha lujtë, skisha bza, i vogël isha ba… Thu s’ kisha ni kaq shumë mall, sot…”

Kjo këngë ka prekur shumë Dojnën, të dashuren e Vlashentit, së cilës i kujton të atin dhe shkruan:

“Kur humba babain e kisha të pamundur të shprehja emocionet në të shkruar. Kjo këngë është gjithçka do doja t’i kisha thënë unë. Vlashent Sata më mbushen sytë më lot nga kjo këngë, njëlloj si herën e parë.”