Ish-ministri i Drejtësisë, Ylli Manjani thotë se kryeministri Edi Rama nuk pranon të dalë në debat publik përballë kryedemokratit Lulzim Basha pasi ky i fundit “e shkërmoq fare”.

Manjani shkruan në rrjetet sociale, se hera e fundit kur Rama zhvilloi debat publik, ishte viti 2000, përballë Besnik Mustafajt. Që prej asaj kohe , Rama ka refuzuar çdo debat publik.

Sipas Manjanit arsyeja është se Ramës “i nevojitet kohë që të përpunojë reagimin manipulues”.

Shkrimi i plotë i Manjanit:

Kam bindje të fortë që një një debat publik Lulzim Basha e shkërmoq fare Ed Ramën.

Jam gjithashtu i bindur se është Rama që refuzon me insistim idenë e një debati publik. Dhe ka të drejtë që e refuzon sepse do ta shihte veten shumë keq.

Në distancë e me shkrim bën batuta Ai, por në përballje direkte ka treguar se sa i dobët është.

Në fakt vetëm njëherë ka bërë debat publik, në vitin 2000 me Besnik Mustafën. Asokohe Rama ishte në ngjitje dhe me sharm antikonformisti dhe batute të fortë. Pas atij debati,të fituar, ai nuk bëri më kurrë një debat politik të drejtpërdrejtë me askënd.

Provoi të debatonte me Lubonjën, poredhe aty luajti me goditje poshtë brezit me pislliqe çelsash zyre. Në fakt Lubobja e gozhdoi në çdo aspekt, përfshi edhe përdorimi eksesiv të ngjyrës së kuqe nëpër fasada.

Ndaj Rama shmangu çdo debat në vijim. Nuk ka përgjigje për të vërtetat që i vijnë turinjve dhe kjo ia neverit veten.

Në debatin politik është i dobët, por po aq edhe hileqar e manipulator. Hileja dhe manilpulimi bien menjëherë kur debaton aty për aty. Ndaj ai nuk debaton, por komenton pas krahëve ose post factum.

I nevojitet kohë që të përpunojë reagimin manipulues. Qartësisht ky është halli që ka.

Vini re gjithashtu, gjuhën mohuese apo përçmuese ndaj idesë së debatit me kundërshtarin. Kjo është shprehja tjetër e dukshme e frikës nga debati.

Ai akoma ska jetur një përgjegje për Ambrozia Metën, jo më të debatojë me kryetarin e Opozitës!

E njëjta sjellje edhe me gazetarët e tjerë që e zënë gafil nëpër studio, të cilëve u përgjigjet me gjeste dhe sjellje të çuditshme që as shqipja e Lekë Matrangës nuk i deshifron.

Mua kështu më duket.