Kryesore
Politologu Ermal Hasimja: Programi i opozitës është më i qartë. PS nuk ka as përpjekje
Politologu Ermal Hasimja ka komentuar programiin e opozitës. Sipas tij, programi i opozitës është më i qartë në krahasim me atë të mazhornacës, të cilin e konsideroi përsëritës.
“Nga pikëpamja e mazhorancës, nuk shoh ndonjë përpjekje për të dalë me një program të qartë, është ripërsëritëse. Nga ana e opozitës, kemi një formulim pak më të qartë tek pjesa e asaj çfarë mund të bëhet. Opozita është pak me e qartë tek pjesa e përmbajtjes, e asaj çfarë ofron.”
I pyetur se si pritet të jetë qasja e partive dhe e kandidatëve kundrejt votuesit, Hasimja deklaroi: “Në parim, me fushatat e tjera, e vetmja gjë që mungon janë mitingjet. Takimet vazhdojnë të bëhen, edhe pse të reduktuara. Nuk shoh ndonjë ndryshim shumë të madh. Do të përbëjë ndryshim pjesa e takimeve me 50 a 100 veta. Nuk e di si do t’i menaxhojnë këto. Takimet individuale në rrugë do të vazhdojnë.”
