Presidenti i Republikës, Ilir Meta, shpërtheu me tone të ashpra ndaj kryeministrit Edi Rama. I ftuar në emisionin “Frontline” në News24, Kreu i Shtetit tha se “amerikanët Edi Ramës Ilir Meta i kap për veshi”, duke shtuar se vota është e shenjtë dhe nuk preket.

“I mblodhi Ilir Meta të gjithë. I thashë atij zotërisë, nëse Rama nuk vjen ta votojë Reformën në Drejtësi, do kemi punë me ty, sepse ne i kemi dhënë fjalën SHBA. Amerikanët e Edi Ramës Ilir Meta i kap për veshi. E di ai se si iu flas unë atyre, kur ata vijnë dhe bëjnë maskarallëqe. I them atij të mos i përmend më ata dhe të mos gënjejë më vete. Vota është e shenjtë dhe do të jetë përherë, nga 25 prilli e për 100 vjet, që të kemi shtet.

Të gjitha paditë që kam bërë për shkeljen e Kushtetutës, do iu shkoj deri në fund. Padia që kam bërë për Teatrin do i shkoj deri në fund, se është akt i tmerrshëm. Procesit të koncesionit do i shkoj deri në fund, se dhe ajo është e tmerrshme. Po s’iu shkuam deri në fund këtyre, s’do ketë shtet”, u shpreh Presidenti Meta.