Çfarë të veshim ?: Kombinime të thjeshta me çfarë keni në garderobë!

Edhe nëse nuk ju pëlqejnë xhaketat, pothuajse të gjithë keni një xhaketë të zezë në garderobën tuaj. Ndoshta sepse kombinohet lehtësisht apo sepse do t’ju duhet për një rast që kërkon “veshje serioze”.

Megjithatë, me kombinimet e duhura, një xhaketë të tillë mund ta vishni kudo. Nëse xhaketa është over-sized (me përmasa të mëdha), aq më mirë.

Shihni më poshtë pesë mënyra për të veshur një xhaketë të zezë:

#1 – Xhaketë e zezë + Pantallona (streçe) të zeza + Çizme lëkure

Për më tepër, një kombinim “tërësisht i zi” duket gjithmonë mirë.

#2 – Xhaketë e zezë + Pallto + Aksesorë

Një pallto me prerje të gjerë, bezhë ose kafe dhe disa aksesorë e bëjnë veshjen të duket e kompletuar dhe më e rëndësishmja, s’do keni ftohtë.

#3 – Xhaketë e zezë + Kostum sportiv (mundësisht gri) 

Kjo është një nga veshjet më të lehta për t’u rikrijuar. Kombinimi i të zezës me grinë është i pagabueshëm, por edhe një kostum sportiv në ngjyra të tjera të zbehta (kafe, bezhë etj), do dukej po aq mirë.

#4 – Xhaketë e zezë + Bluzë e bardhë + Xhinse

Kombinimi i përjetshëm që mund ta vishni kudo: Në shkollë, punë, në një pasdite apo mbrëmje jashtë.

#5 – Xhaketë e zezë + Këmishë e bardhë + Atlete

Trendet e reja të modës janë aq të pëlqyera pikërisht sepse nuk i kufizojnë veshjet në sportive, klasike apo serioze. Prandaj, një këmishë e bardhë me atlete dhe xhaketë, duket kaq bukur veshur: