Kryesore
Ish-këshilltarja ekonomike e Ramës Irena Beqiraj: Asnjë këshillë për të, do vetëm të mbajë pushtetin
Ish këshilltarja ekonomike e kryeministrit Edi Rama, Irena Beqiraj nuk ka asnjë këshillë për kryeministrin.
“Nuk kam asnjë këshillë për Kryeministrin. Qëllimi i tij është të mbajë vetëm pushtetin dhe qasja e tij për arritjen e këtij qëllimi, nuk ka asnjë lidhje organike me ekonominë”, tha Beqiraj.
Në një intervistë, Beqiraj u ndal tek viti 2021 si vit elektoral. Ajo u shpreh se të gjitha zgjedhjet, gjatë 30 viteve, në këtë vend janë përkufizuar “si zgjedhje të rëndësishme apo vendimtare”.
Por sipas saj, ajo që mungon në këto zgjedhje të rëndësishme e vendimtare “është se nuk kemi asnjë zhvillim serioz në politikbërje”.
Beqiraj tha se eksperienca e ka mësuar të mos pres “asnjë debat serioz dhe asnjë politikë serioze gjatë vitit zgjedhor”.
“E ardhmja jonë kërkon politika të informuara dhe të mirëmenduara të cilat vendosin gurë kilometrik për brezat që vijnë”, tha ajo.
