Yael Shelbia, fytyra më e bukur e 2020-ës

Njihuni me Yael Shelbia, izraelitja e cila është shpallur fytyra më e bukur e vitit 2020, në listën vjetore të TC Candler ‘100 fytyrat më të bukura të vitit’. Në intervistë për mediat izraelite Yael thotë se kurrë nuk ka marrë vendin e parë në diçka dhe kjo e bën të ndihet mirë.

19 vjeçarja është modele, aktore, dhe aktualisht po kryen shërbimin e detyrueshëm ushtarak në forcat ajrore izraelite. Ajo është e lidhur me 35 vjeçarin Brandon Korff, nipi i miliarderit të ndjerë të CBC. Ai u dëbua nga Izraeli pasi nuk zbatoi rregullat e karantinës dhe shkoi të vizitonte fshehurazi Shelbian.

19 vjeçarja është brune me sy me ngjyrë blu e cila ka reklamuar për shumë kompani izraelite, mes tyre Renuar, KM earbuds dhe linjën e kozmetikës KKW Beauty të Kim Kardashian. Instagrami i saj është i mbushur plot me selfie dhe ka gati një milion ndjekës. Modelja ka tërhequr gjithmonë vëmendjen dhe në vitin 2018 u rendit fytyra e tretë më e bukur në botë.

Disa nga kriteret për të qenë në listë janë: Përsosmëria estetike, hiri, eleganca, origjinaliteti, guximi, pasioni, klasi, tipare që sipas profesionistëve mishërohen në pamjen e fytyrës.

Ndryshe nga shumica e klasifikimeve të tjera të bukurisë në çdo vit, themeluesi TC Candler pretendon se lista nuk është një konkurs popullariteti dhe padyshim që nuk është specifik për vendin. ‘Nuk ka të bëjë me trupin më seksi apo më të famshmen’.

Dhe në fund të fundit, siç citohet filozofi legjendar rus Fyodor Dostoyevsky: “Bukuria do të shpëtojë botën”.