Shtypi shqiptar / Lajmet e fundit kryesore shkurtimisht

Ministrja e Drejtësisë, Etilda Gjonaj dhe ambasadorja e SHBA në Shqipëri, Yuri Kim kanë firmosur marrëveshjen e ekstradimit me Shtetet e Bashkuara të Amerikës që zëvendëson traktatin e vitit 1933 të firmosur nga Faik Konica. 

Gjykata e Lezhës ka caktuar masën e sigurisë “arrest me burg” për Nikollë Sherrnikun, autorin e dyshuar për vrasjen e efektivit të policisë, Xhulio Prela.  Avokati i Sherrnikut deklaroi se vendimi i marrë nga gjykata është i pambështetur në prova, ndërsa vjehrri i Nikollë Sherrnikut ka deklaruar se natën kur ka ndodhur ngjarja, ai ka qenë në shtëpinë e tij.

Ministria e Punëve të Jashtme të Kosovës ka shkarkuar nga detyra Konsullin e Republikës së Kosovës në Shqipëri, Halim Krasniqin. Krasniqi reagoi duke e quajtur si hakmarrje politike vendimin e shkarkimit.

Kryetari i Partisë Demokratike Lulzim Basha ka intensifikuar lëvizjet për zgjedhjet e 25 prillit. Burimet bëjnë me dije se në Shkodër, lideri demokrat ka caktuar si drejtues politik, Helidon Bushatin, ndërsa në Fier do të jetë Enkelejd Alibeaj. Ndërkohë që po vijon puna për drejtuesit qarqeve të tjera.

Një variant i ri i koronavirusit që po përhapet me shpejtësi në Britaninë e madhe Madhe mbart mutacione që mund të nënkuptojnë se fëmijët janë aq të ndjeshëm ndaj infektimit me të sa të rriturit – ndryshe nga llojet e mëparshme, deklaruan ekspertët.

Komisioni Evropian ka miratuar përdorimin e vaksinës anti-Covid të prodhuar nga kompania amerikane Pfizer dhe partneri i saj gjerman BioNTech. Presidentja e KE, Ursula von der Leyen tha në një komunikim për mediet se vaksinat e para do të transportohen nga vendi i prodhimit në të gjithë BE-në.

2020 është viti më vdekjeprurës në historinë e Shteteve të Bashkuara të Amerikës dhe kjo si pasojë e pandemisë Covid-19. Java që lamë pas regjistroi bilancin më të rëndë të viktimave, 18 mijë persona humbën jetën, ose një në çdo 33 sekonda.

E shpjeguar/ Kosova me qeveri antikushtetuese dhe pa president, si u ndërruan dy kryeministra në kohë pandemie

E lidhur: Analiza e DW: Kosova në kolaps politik dhe para kolapsit institucional në kohë pandemie.

Bilanci i Covid-19 në Shqipëri: 13 humbje jete në 24 orë, mes tyre një 33-vjeçare; Ulen rastet e infeksionit, më shumë të shëruar.

Një haker shqiptar i Bitcoin, 28-vjeçari vodhi mbi 500 mijë euro, e kërkojnë 3 shtete evropiane.

Helidon Bushati prezantohet si drejtuesi politik i PD në Shkodër: Synojmë shtatë mandate në rang qarku.

Policia e Shtetit në 7 vite, Çuçi: Kemi lënë pas Francën, Mbretërinë e Bashkuar dhe Holandën.

 Mutacioni i Covid-19, BE u kërkon vendeve të heqin ndalimet e udhëtimit në Mbretërinë e Bashkuar .

Antarktida regjistron rastet e para me Covid-19.