Vjosa eshte pasqyra ku Rama shikon rrudhat e shpirtit tij te plakur

Vjosa, pasqyra qe Rama kerkon ta thyeje… – Nga Endri Shabani

Ata qe thone se Rama eshte kunder Kosoves e lexojne gabim sjelljen e tij.Qendrimi i tij ndaj Vjoses nuk eshte per faktin se ajo perfaqeson Kosoven, por se ajo perfaqeson nje plejade te re politikanesh.Ne te dy anet e kufirit ka nje klase politike te korruptuar dhe te paafte, te paafte dhe te korruptuar. Ata jane pa legjitimitet, sepse punojne per interesa te nje grupi te vogel oligarkesh, ne kurriz te pjeses tjeter te shoqerise.Ata jane pa dinjitet perballe nderkombetareve, sepse jane te marre peng nga zullumet qe kane bere ne te shkuaren.

Ata jane pa vizion, sepse gdhihen duke vjedhur per te qendruar ne pushtet, dhe ngrysen duke genjyer per te mbuluar vjedhjet.Ata jane pa guxim, sepse tek pushteti gjejne imunitetin nga drejtesia. Prandaj iu tremben votuesve te lire, dhe lirise per te votuar.Ata jane nje klase politike qe, eshte rritur si kancer ne trupin e Shqiperise, dhe po ia merr frymen dalengadale.Kjo klase e vjeter politike qe perfaqesohet nga Rama eshte kail te sakrifikoje vendin per pushtetin.

Ndersa plejada e re qe perfaqeson Vjosa eshte gati te dorezoje pushtetin per hir te vendit. Sjellja e Rames ndaj Vjoses perfaqeson nje lufte mes nje rrangalleje te ndryshkur qe ka humbur kuptimin dhe vleren, dhe nje ylli ne ngjitje, te ciles i shkelqen fytyra.

Vjosa eshte pasqyra ku Rama shikon rrudhat e shpirtit tij te plakur nga zullumet, krenarine e kerrusur nga deshtimi per te patur nje ndikim pozitiv ne jeten e vendit, dhe gungen e fajit qe do ta ndjeke ne histori.Pavaresisht makiazhit, Rama e di se boja e suvase i ka rene me kohe. Ai e di mire cfare i ka bere ketij populli,dhe eshte i qarte se si do ta trajtoje historia.Prandaj nuk habitem qe ai kerkon ta thyeje cdo pasqyre qe ia kujton kete. Vjosa eshte nje prej tyre…