Shtypi shqiptar / Lajmet shkurtimisht

Publikohen për herë të parë pamjet e vrasjes nga policia të 25-vjeçarit Klodian Rasha në orët e para të mëngjesit të datës 8 Dhjetor në kryeqytet.

■ Dita e gjashtë e protestës për vrasjen e Klodian Rashës, më pak pjesëmarrje, por e qetë dhe pa incidente. Policia arreston 4 persona, procedim penal për 46 të tjerë.

Të lidhura: Protestat për Klodian Rashën, Delegacioni i BE-së: Zero tolerancë për kanosjet dhe kërcënimet ndaj medias; Mbështeti në FB protestat për Klodianin, thirret në polici Desada Metaj: Provokim qesharak që s’më tremb.

VKM/ U vra nga polici i ‘Shqiponjave’, Rama i lidh pension familjes së Klodian Rashës: Humbi jetën aksidentalisht; Babai i Klodian Rashës: Vrasje e dytë për ne.

Avokati i Popullit ka nxjerrë një tjetër raport për protesën e një dite më parë. Në njoftim thuhet se gjatë protesës së datës 13 janë shoqëruar gjithsej 51 persona, mes tyre të mitur dhe vajza. AP thotë se nga personat e shoqëruar pati një numër të kufizuar pretendimesh për ushtrim të dhunës.

Gjykata e Tiranës ka dhënë masën e sigurisë për 24 të ndaluar në protestën për vrasjen e Klodian Rashës. Për 11 persona është dhënë masa e sigurisë “arrest me burg”, ku për 6 prej tyre është dhënë me afat deri më 24 dhjetor ndërsa për 5 personat e tjerë, është dhënë pa afat.

Gjykata e Durrësit ka lënë të lirë 7 protesutes, mes tyre dhe 3 të mitur. Ata ishin shoqëruar gjatë protestës që u zhvillua në këtë qytet për vrasjen e Klodian Rashës. Gjatë ditëve të protestës për 25-vjeçarin, Policia ka arrestuar mbi 300 persona, ku prej tyre rreth 117 janë të mitur. 

■ Gjashtë punonjës së Policisë së Vlorës janë proceduar, pasi dyshohet se shpërdoruan detyrën, duke lejuar kultivim narkotikësh. Ndaj dy prej efektivëve Gjykata ka caktuar masën e sigurisë “arrest me burg”, ndërsa ndaj të tjerëve përveç shkarkimit nga detyra është caktuar masa e sigurisë “detyrim paraqitje”. 

■ Në 24 orët e fundit situata me Covid-19 ka regjistruar një përmirësim të lehtë. Ministria e Shëndetësisë bën me dije se 13 persona kanë humbur jetën. Sipas MSH, mosha e viktimave varion nga 38-82 vjeç. Gjithashtu njofton se nga 2108 testime dhe kanë rezultuar pozitivë 661 qytetarë. 

■ Zëri i Amerikës publikon raportin: Shqipëri, kultivimi i cannabisit në rritje për të dytin vit radhazi; Presidenti Meta: Traditë para zgjedhjeve; Meta: Me afrimin e zgjedhjeve, është kthyer tashmë në traditë 

■ Partia Demokratike ka paditur në SPAK, Drejtorin e Përgjithshëm të Policisë së Shtetit, Ardi Veliun. Në padi theksohet se, me urdhër të Ardi Veliut, është ushtruar dhunë barbare ndaj të miturve dhe është ndaluar në mënyrë abuzive çdo njeri që lëvizte në rrugë, pa qenë pjesë e protestës.

■ Greqia ka shtyrë sërish vendimin për hapjen e pikës kufitare të Kapshticës deri më datë 7 janar 2021.

■ Ambasadorja suedeze në Shqipëri, Elsa Håstad ka dënuar ndalimin e gazetarëve shqiptarë gjatë protestave të fundit nga Policia. Përmes një postimi në Twitter, Håstad shkruan se qëndron në krah të të drejtave të çdo gazetari për të punuar të lirë nga dhuna e ngacmimi.

■ Pushimet dimërore të nxënësve këtë vit do të jenë më të gjata”, kështu është shprehur Ministrja e Arsimit, Evis Kushi, në një deklaratë për mediat, duke shtuar se fillimi i shkollës pas pushimeve të fundvitit, pritet të bëhet në datat 11 ose 18 janar, për shkak të pandemisë.

■ Fitoi betejën me Covid-19, Imzot George Frendo kthehet nesër në Tiranë; do mbajë Meshën e Krishtlindjeve

■ Marrëveshja e 5 qershorit/ ‘Ligjet’ miratojnë ndryshimet; SPAK i shtohen dy kompetenca për krimet zgjedhore

■ Dhuna në protestë e shoqërimet e gazetarëve, Basha takim reporterët e Shqipërisë: Tentativë kriminale për të manipuluar vrasjen e Klodian Rashës. Reagon Balla, i kujton PD-së 21 janarin: Me urdhër të Berishës dhe ekzekutor Bashën humbën jetën 4 qytetarë.