Gazetarja Klodiana Lala komentoi në emisionin e Adi Krastës edhe vrasjen e të riut Klodian Rasha nga policia.

“Ekzekutori është një person me uniformë, të cilit i besojmë jetën tonë dhe që ka për detyrë të na mbrojë. Klodian Rasha ishte një djalë me pasionet e tij, sportin, boksin.

Kjo ngjarje është pasojë e një drejtësie të korruptuar, e një policie të keqpërdorur, një policie të shndërruar në militante, një policie që ka humbur kredibilitetin e opinionit publik.

Kjo polici ka mbi shpinë akuzën më të fortë për përfshirjen në trafikun e kanabisit dhe kokainës.

Pyetja që shtrohet është: a duhet të lejojmë ne si shoqëri një oficer të tillë në detyrë në vitin 2020?

Klodian Rasha është qëlluar me plumb pas shpine, në tejkalim të çdo norme,” tha ajo.

Lala citoi edhe të tjera raste të dhunës policore. Ajo tha se një person, të cilit policia i kishte thyer këmbën, u paraqit në gjykatë orët e fundit. Ndërkohë dy ditë më parë një shkoi në spitalin e traumës me probleme kardiake pasi ishte keqtrajtuar nga policia.