Qytetarët dergjen rrugëve, hajduti mburret me paratë e tenderave

“Karkalec deti dhe havjar”, Paloka nxjerr ‘zbuluar’ ish-ministrin e Shëndetësisë: Qytetarët dergjen rrugëve, hajduti mburret me paratë e tenderave

Foto Ilustruese/ Nënkryetari i PD-së, Edi Paloka

Partia Demokratike ka reaguar sërish pas denoncimit të të riut nga Elbasani, i cili prej orësh i shërbente të ëmës së infektuar me Covid-19 në autoambulancë, pasi nuk kishte shtretër të lirë.

Përmes një postimi në rrjetet sociale, nënkryetari i PD, Edi Paloka, ka bërë paralelen e dy realiteteve të hidhura; qytetarët që humbin jetën çdo ditë prej koronavirus nga njëra anë, dhe zyrtarët e mbytur në luks nga ana tjetër.

Në foton e publikuar nga Paloka, tregohet qartë luksi ku jeton ish-ministri i Shëndetësisë, Ilir Beqaj, ndërkohë që shëndetësia, “lë qytetarët të dergjen rrugëve nëpër autoambulanca” për shkak të mungesës së kapaciteteve për të përballuar situatën.

“Shikoni sesi mburret hajduti Ilir Beqaj se e ka shtruar me kavjar sot. Sot, kur të sëmurët dergjen rrugëve! Luks me paratë nga tenderat dhe check-up në shëndetësi, për Edi Ramën dhe shokët e tij, varfëri dhe lotë për njerëzit”, shkruan Paloka.Foto e publikuar nga Edi Paloka