Herë pas here të gjithë e kalojmë kohën e lirë duke parë seriale të ndryshme televizive. Dhe ndërsa disa mund ta konsiderojnë si një aktivitet mjaft të pakuptimtë, jemi të sigurt që ka shumë shfaqje të mira televizive nga të cilat mund të mësosh gjëra të dobishme dhe interesante. Dokumentarët e mëposhtëm, mund t’ju bëjnë të ndiheni më inteligjentë pasi zbulojnë shumë sekrete në lidhje me botën e madhe dhe misterioze në të cilën jetojmë.

The Brain: A Secret History (2010)

Ky doku-serial i BBC, zbulon shumë sekrete që ndodhen pas veprimtarisë së trurit tonë. Ju do të zbuloni pse ne kryejmë veprime të veçanta në situata të caktuara, çfarë na shtyn vërtet dhe si funksionon vetëdija jonë. Do të mësoni nëse vërtet mund t’i kontrollojmë mendimet dhe si të ndikojmë në sjelljen dhe mënyrën e të menduarit të njerëzve të tjerë.

Simon Schama’s Power of Art (2006)

Power of Art është me 8 episode, krijuar nga Simon Schama, një historian britanik i artit. Secili prej episodeve i kushtohet biografisë së një artisti dhe kryeveprave të tij të shkëlqyera. Nuk është si një turne i mërzitshëm në muze –të gjitha episodet janë shumë joshëse dhe realiste. Një shfaqje tepër informuese televizive që duhet patjetër të shihet nga studentët e artit.

Through the Wormhole (2010- )

Ata thonë se të kesh Morgan Freeman si drejtues të emisionit është një sukses i garantuar. Çdo episod është një lloj udhëtimi nëpër Universin tonë në kërkim të përgjigjeve për vetë çështjet më themelore të ekzistencës dhe për pyetjet që kanë hutuar gjithmonë njerëzimin. Një numër i madh i intervistave, teorive dhe eksperimenteve që kundërshtojnë teoritë e Ajnshtajnit patjetër që do të tërheqin vëmendjen tuaj që nga fillimi.

Into the Universe with Stephen Hawking (2010-  )

Kur bëhet fjalë për Universin dhe kozmologjinë, nuk mund të injorohet mendimi ekspert i Stephen Hawking, i cili zbulon misteret e ndryshme të Universit, ndan njohuritë e tij mbi ekzistencën e jetës jashtëtokësore dhe gjithashtu jep disa të dhëna se si dikush mund të përfitojë nga koha dhe hapësira. Edhe nëse nuk keni qenë kurrë i interesuar në astronomi, pasi të shikoni serialin patjetër që do të dashuroheni me Universin dhe ndoshta do të ndjeni një etje më të thellë për njohuri. Është më mirë të shikosh serialin në gjuhën e tij origjinale, sepse u tregua nga vetë Stephen Hawking dhe aktori i madh Benedict Cumberbatch.

Lost Worlds (2006-2007)

Lost Worlds është një serial i shkëlqyer, dokumentar televiziv rreth mistereve të historisë botërore, përfshirë Egjiptin e lashtë, bunkerët sekretë bërthamorë të viteve 1950, tempuj të mahnitshëm dhe qytetërime që janë zhdukur plotësisht. Një ide e mrekullueshme për të kaluar mbrëmjen e kësaj të shtune.

Black Mirror (2011-)

Dhe i fundit, por jo më pak i rëndësishmi . Do t’ju bëjë të shikoni më thellë teknologjitë moderne në përgjithësi dhe ngjarjet që mund të na çojnë ose na kanë çuar tashmë te ‘Black Mirror’. Është e pranishme në çdo shtëpi, në çdo tryezë, në çdo dorë. Një ‘black mirror është një ekran Tv, ekran kompjuteri ose telefoni juaj i çmuar. Një distopi shumë e zgjuar dhe provokuese e shekullit 21. Shumë e rekomanduar!