Pirro Dhima: Nuk jam me origjinë shqiptare, jam grek i lindur në Shqipëri

Nje artikulll i gazetares greke qe mburrte ish- peshengritësin shqiptar Pirro Dhima, i cili ka garuar me pas per Greqine duke fituar dhe medalje, ka sjelle nje keqkuptim nga ana e ketij te fundit, duke shkaktuar dhe reagimin e tij publik!

“Unë jam një grek i lindur në Shqipëri”, kjo ka qenë përgjigja që Pirro Dhima i ka dhënë gazetares greke Elena Akrita, lidhur me një artikull që kjo e fundit kishte shkruar për Agimin e Artë, dhe ku e cilesonte Pirro dhimën me origjine shqiptare!

Shtangisti ish-kampion bote, ka mbajtur qëndrim të fortë kundër organizatës neo-naziste, që arriti të hynte edhe në parlamentin grek.

Por në një artikull të ditëve të fundit, pasi Agimi i Artë u shpall ogranizatë terroriste, gazetarja e përshkruante Piro Dhimën si “kampioni ynë me origjinë shqiptare”.

“Kujtojmë Piro Dhimën në 2014, kur deputeti Nikos Michos ngrihet dhe kërcënon të godasë me shuplakë Petros Tatsopulos, Dhima në atë kohë deputet i PASOK ngrihet në këmbë dhe i bllokon rrugën, duke i thënë, mos të bëjë as edhe një hap tjetër.

Kampioni ynë me origjinë shqiptare në atë moment i dha një leksion demokracie parlamentit grek”, shkruan gazetarja Akrita.

Por mesa duket Piro Dhima nuk e ka pritur mirë këtë përshkrim dhe ka replikuar menjëherë.

Në mesazhin tij dërguar gazetares, Elena Akrita, Dhima theksoi:

“Më lejoni vetëm një korrigjim. Unë nuk jam me origjinë shqiptare, jam një grek i lindur në Shqipëri. Një fëmijë i pakicës. Sigurisht që besoj se është e paqëllimshme ajo që keni shkruar. Gjithsesi doja ta theksoja”, shprehet Dhima.