Mix

Një listë me filma të ndaluar nga qeveria

Që prej fillimit të industrisë së filmave, shumë prej tyre janë ndaluar të shfaqen në vende të caktuara, për shembull, filmi “Fifty Shades of Grey” është i ndaluar të shihet në Kambodia, ndërsa filmi “After Death”, ka qenë i ndaluar për 10 vite në Shqipëri.

Lista e mëposhtme përfshin filma të ndaluar nga qeveria amerikane. Disa prej tyre janë lejuar të shihen vite më vonë, disa të tjerë janë ende të ndaluar. Sidoqoftë, në epokën e internetit, nuk është e vështirë të gjesh asgjë.

– The Last Temptation of Christ (1998)

Filmi i Martin Scorsese për jetën dhe vdekjen e Jezu Krishtit pati një sërë kritikash, veçanërisht nga besimtarët e krishterë. “Tundimi i fundit i Krishtit” e përshkruan Jezusin, si dikush me mendime epshore, ndenja frike, dyshimi dhe ndonjëherë të pashpresë, të cilat shumë i vlerësuan si një “kundërshtim” i Biblës. Protestat nga grupet fetare bën që film të zgjaste vetëm pak javë.

– Birth Control (1917)

Aktivistja e edukimit seksual, Margaret Sanger, shkroi skenarin, shërbeu si regjisore dhe luajti në këtë film, që lidhet me përpjekjet e saj për të zgjeruar mundësitë e kontrollit të lindjes për gratë. Projekti u shfaq vetëm një herë për 200 persona dhe më pas, komisioneri i licensave të New York-ut, e ndaloi atë, duke e quajtur “imoral, të pahijshëm dhe në kundërshtim me mirëqënien publike.”

– Titicut Folliw (1967)

Filmi u ndalua për shkak se portretizonte realitetin e jetës brenda spitalit shtetëror Bridgewater, për të çmendurit që kishin bërë vepra penale. Krijuesit e Titicut Follies, Frederick Wiseman dhe John Marshall, ndoqën të burgosurit në institucion, duke dokumentuar neglizhencën dhe abuzimin me të cilat ata përballeshin nga kujdestarët e tyre. Filmit iu rikthye e drejta e transmetimit, vetëm në vitin 1991.

– Ecstasy (1993)

Filmi flet për një grua të martuar, që njihet me një të ri në fshat dhe të dy nisin të takohen fshehurazi. Skenat e lakuriqësisë dhe seksualitetit femëror u cilësuan si “skandaloze” në atë kohë dhe deri në vitin 1940, filmi u ndalua.

– Hillary: The Movie (2008)

Në vitin 2008, senatorja e atëhershme, Hilllary Clinton, po kandidonte në zgjedhjet amerikane. Në të njëjtin vit, u publikua edhe dokumentari për jetën e Hillary-t, i cili u ndalua të shfaqej. Problemi? Një ligj në fuqi, Ligji për Reformën e Fushatës Bipartizane, nuk lejonte publikimin e materialve të tilla gjatë një fushate. Republikanët e menduan dokumentarin si propagandë. Sidoqoftë, filmi ngjalli diskutime në lidhje me ligjin, i cili më pas, u ndryshua.