‘Mos bëfshi pikën e hajrit me këtë sjellje’: Roland Hysi ngre problemin shqetësues për të gjithë ata që ndotin plazhet në Shqipëri

Roland Hysi, këngëtari i grupit West Side Family, ka diçka për të thënë për të gjithë ata që ndotin plazhet e Shqipërisë.

“Dua t’ju them një fakt. Shqipëria është një vend jashtëzakonisht i bukur, por me sjellje të tilla nuk kemi për të shkuar asgjëkundi edhe nuk mund t’i kërkojmë as qeverisë, as dreqit të na bëjë këtë apo atë.”

Më pas, ai vazhdon:

“Prandaj, kujdesuni për ambientin. Pini, bëni qejf, dehuni, bëhuni tap, por mos i lini kështu gjërat pas.”

Në fakt, ndotja e plazheve në Shqipëri është një problem jo pak i vogël. Zakonisht, plazhet e mbipopulluara janë edhe ato më të dendur me plehra, në vende të papërshtatshme. Për shembull, vitin e kaluar u përfol shumë për ndotjen e “Syrit të Ciklopit”, një destinacion shumë pranë Tiranës, i cili si një zbulim i fundit turistik ka pësuar dëmtime dhe është “mbipopulluar” jo vetëm me turistë, por edhe me plehra:

PAMJE NGA “SYRI I CIKLOPIT”