Përbërësit:

500 gr miell për byrek

ujë

Kripë

3 kokrra qepë

1 spec

3 kokrra domate

3 lugë vaj

1 vezë

Gjizë

Përgatitja:

Hedhim në tigan vajin dhe më pas qepët e grira hollë. Grijmë specin dhe e skuqim së bashku me qepën, shtojmë një lugë gjelle kripë dhe vazhdojmë t’i trazojmë. Grijmë domatet dhe i shtojmë në tigan, i shtojmë pak gjizë dhe 1 kokërr vezë.

Përgatisim brumin e byrekut.

Në mes të miellit hapim një vrimë, shtojmë 1 lugë kripë dhe vijojmë duke shtuar ujin e vakur. E punojmë me dorë derisa të bëhet një brum i butë. E punojmë mirë disa herë dhe e ndajmë në 2 pjesë.

Marrim njërën pjesë dhe e ndajmë në 10 topa të vegjël.

Secilin nga topat i hapim me niseshte në petë të vogla. Pasi i hapim të 10 -ta, vendosim petën e parë mbi sipërfaqen e tavolinës. E lyejmë me vaj, vendosim tjetrën mbi të dhe kështu me rradhë sa të lyhen të gjitha. Petën e fundit nuk e lyejmë, por me të mbulojmë petët e tjera.

E hapim petën me ndihmën e niseshtes duke i dhënë masën e tepsisë. Këtë të fundit e lyejmë me vaj dhe më pas i hedhim sipër petën.

Shtojmë sipër saj mbushjen dhe tepricat e petës i kthejmë, që të mos na dali mbushja.

Më pas të njëjtën procedurë e bëjmë dhe me pjesën tjetër të mbetur të brumit dhe shtrojmë petën sipër.  E spërkatim me vaj dhe e vendosim në furrën në 200 gradë për 30 minuta.