Aktualitet
Klodian Allajbeu takon kryebashkiakun e Kievit Vitali Klitschko
Klodian Allajbeu dhe kryebashkiaku i Kievit
Njëri kampion në fushën e sipërmarrjes dhe tjetri në atë të sportit por edhe të qeverisjes. Të dy janë takuar së bashku dhe kanë zhvilluar një bisedë si të ishin miq të vjetër.
Është fjala për pronarin e spitalit Amerikan Klodian Allajbeu dhe kryebashkiakun e Kievit Vitaly Klitschko, 3 herë kampion bote në boks.
Sigurisht është një nga ato takime që nuk ndodhin përditë dhe Allajbeu ka shkrepur këtë foto duke ndarë edhe impresionet e takimit me të.
“Vitaly Klitschko, 3 herë kampion bote në boks, kryebashkiak i Kievit. I suksesshëm, i ndershëm dhe praktik. Impresionues”, shkruan Allajbeu.
Mesa duket Allajbeu ka plane investimi në Kiev por ende është herët për të zbuluar se për çfarë bëhet fjalë.
