Pas deklaratave të Ermal Mamaqit që sot vetëm pensionistët lexojnë romane, romanet kanë reaguar për të thënë fjalën e tyre. Ata janë shprehur se s’është Ermali që nuk lexon romane, por vetë romanet nuk janë bërë për t’u lexuar nga ai.

“Autori im, jam i bindur se kur po shkruante nuk kishte aspak në mendje një model lexuesi si Ermal Mamaqi”, u shpreh “1984” e George Orwell.

“Autori im kishte dashuri të madhe dhe kërkoi shumë për një lexues si Mamaqi por nuk e gjeti”, u shpreh Zorba i Kazantzakit.

Kohët e Nju Jorkut mësoi se autorë si Virginia Woolf, Silvia Plath, Heminguei etj. kanë vrarë veten pikërisht sepse kishin frikë mos librat e tyre binin në dorën e Ermal Mamaqit, ndërsa Dostojevski është shprehur se nuk do të krijonte kurrë një personazh aq Idiot sa Ermal Mamaqi.

Piktori Van Gogh mësohet se ka këputur veshin kur dëgjoi fjalimet motivuese të Ermal Mamaqit, ndërsa Homeri mënëfund deklaroi se nuk kishte lindur i verbër, por u bë i tillë pasi pa filmat e Ermal Mamaqit.

Marre nga blogu Kohet e Nju Jorkut