“Ska transparencë”/ Berisha: Shpallja e testeve sekret shtetëror është kriminale

“Kjo pandemi, do maska, por maska nuk u blenë. Kjo pandemi deshti teste, të cilat Edi Rama nuk i bëri kurrë transparente. Në Shqipëri, testet u shpallën sekret shtetëror në mënyrë kriminale.

Ish-kryeministri Sali Berisha, i ftuar në Syri Tv, u shpreh se Shqipëria ka patur dhe ka sot hapësira të mjaftueshme për të zgjeruar kapacitetin spitalor në një shkallë mjaft të madhe. Sipas tij, të smurët po lihen në shtëpi, ndërsa situata e pandemisë në Shqipëri po trajtohet si një sekret shtetëror nga qeveria.

I pyetur se si do e gjende kjo pandemi Shqipërinë në vitin 2013, Berisha tha se kjo pandemi kurrësesi nuk do ta gjente pa teste dhe pa maska. Ndërsa sot, Berisha tha se Rama e shpall si një sekret shtetëror duke mos bërë transparencë për asgjë.

“Kjo pandemi, do maska, por maska nuk u blenë. Kjo pandemi deshti teste, të cilat Edi Rama nuk i bëri kurrë transparente. Në Shqipëri, testet u shpallën sekret shtetëror në mënyrë kriminale.

Nëse do isha unë, nuk do më gjente kjo pandemi pa maska dhe teste. Shqipëria fatmirësisht në atë kohë skishte problem për mjekë. Kishte një mjek për 600 banorë, ndërsa sot ka një mjek për 1 mijë banorë.”- tha Berisha.